Қазақстан Нидерландыдан 34 млрд доллар инвестиция тартты

«Қазақстан ең көп тартылған инвестиция Нидерландыдан болды, ол 34 млрд АҚШ долларын құрады. Ол ҮИИД МБ жылдары аясында тартылған инвестицияның 30,5 пайызын құрады. Оның ішінде көш бастап келе жатқан елдердің арасында Швейцария (8,6% немесе  9,8 млрд долл),АҚШ (8,5% немесе 9,7 млрд долл), Қытай (7,9% немесе 8,9 млд долл), Франция (5% немесе 5,6 млрд долл), Ресей (4,4% немесе  5 млрд долл) , Ұлыбритания (4,3 немесе 4,9 млрд долл)», - делінген хабарламада.

Ұлттық агенттікте атап өткендей, ҮИИД бағдарламасы жүзеге асқалы бері ақпарат және құрылыс саласына түскен инвестиция саны артты.

«Жалпы, 2010 жылдан 2014 жылдың 1-ші жарты жылдығына дейін Қазақстанға келген тікелей инвестиция көлемі 114 млрд долларды құрады, ол 2005 жылдан бері тікелей инвестицияның 58 пайызын құрады», - деп хабарлады KAZNEX INVEST.

Осы уақыт аралығында тікелей инвестиция түскен салалар: кәсіптік, ғылыми және техникалық сала, оның құрамына геологиялық бақылау жүргізу де енеді – 34,8 пайыз немесе 40 млрд доллар, мұнай мен табиғи газ – 21 немесе 24,1 млрд доллар, бөлшек және жалпы сатып алу, автомобиль жөндеу – 9,1 пайыз немесе 10,4 млрд доллар.

Камила Амирова