Алматы облысында 5 жыл ішінде 4 мың га аумаққа алма бағын өсіру жоспарлануда
6 Қараша, 2014 10:48
Алдағы 5 жыл ішінде облыс аумағындағы 4-4,5 мың га аумаққа алма бағын өсіру жоспарлануда. Бұл туралы облыс әкімінің орынбасары Тынышбай Досымбеков өңірде апорт өнімділігін қалпына келтіру мен дамыту бойынша арнайы жиында мәлімдеді.
Айта кететін жайт, осы жылдың қазан айында Талғар ауданында бағбандық шаруашылықты дамыту бойынша арнайы жиналыс өткен болатын. Аталған шара барысында шешімін таппай жүрген мәселелер қозғалып, өңірде апорттың мәртебесін көтеру бойынша алғышарттар қолға алынған.
Жиын қорытындысында жекелеген шаруа қожалықтарына алма өсіріп, бағбандық жұмыстарды жандандыру тапсырылды.
