• Басты
  • Ақмола облысында жас көшбасшылардың республикалық жиыны өтуде
5 Қараша, 2014 18:19

Ақмола облысында жас көшбасшылардың республикалық жиыны өтуде

Ақмола облысында «Балдәурен» республикалық оқыту-сауықтыру орталығында «Көшбасшы старты» өзін-өзі басқару мектеп органдары көшбасшыларының республикалық жиыны өтуде.
Ақмола облысында жас көшбасшылардың республикалық жиыны өтуде

«Нұр Отан» партиясы ресми сайтының хабарлауынша, аталмыш шара балалар мен жасөспірімдердің шығармашылық және көшбасшылық әлеуетін жандандыру, мектептік өзін-өзі басқару органдары көшбасшыларының басын қосатын алаң құру мақсатымен ұйымдастырылуда.

«Жас Отан» ЖҚ Ақмола облыстық бөлімшесі атқарушы хатшысы Жанар Жүнісова бастаған жасотандықтар түрлі тақырыптар бойынша Қазақстанның түкпір-түкпірінен келген жас көшбасшылардың сұрақтарына жауап берді.

Хабарламада айтылғандай, жасотандықтардың күн тәртібіндегі басты мәселелердің бірі өңірлер арасындағы ынтымақтастықты дамыту.

«Біз Ұлт көшбасшысының кәсіби жас командасын құруды көздеп отырмыз. Біздің мақсатымыз мемлекеттік басқару, ұлттық даму институттары мен бизнесін жоғары деңгейідегі мамандармен және менеджерлермен қамтамасыз ететін стратегиялық резервке айналу. Осы мақсатты біз партия идеологиясы ретінде қабылдап, «Нұр Отан» партиясының стратегиялық мақсаттарын ілгерілетуге өз үлесімізді қосуды мақсат етеміз», - дейді Ж.Жүнісова.

Барлық жаңалықтар