Алматыда Қазақстан – Швейцария іскерлік кеңесінің үшінші отырысы өтуде

5 Қараша, 2014 15:33

Алматы қаласында Қазақстан – Швейцария іскерлік кеңесінің шеңберінде Қазақстан мен Швейцария бизнес өкілдерінің Үшінші отырысы өтеді, деп хабарлады энергетика министрлігі.

Іскерлік кеңесте Швейцария тарапын «Stadler Rail Group» ірі темір жол компаниясының президенті Питер Шпулер басқарады. Қазақстан тарапынан тең төрағалық етуші Энергетика министрі Владимир Школьник.

«Екі ел Бизнес өкілдерінің өткен кездесулері Қазақстан мен Швейцарияның жаңартылатын энергия көздері, металлургиялық өндіріс, химия, машина жасау, кәсіби кадрларды даярлау саласындағы ынтымақтастық үшін ашық перспективаларын көрсетті. Сондай-ақ туристік және аграрлық секторда да бірлескен жобаларды дамыту қарастырылады», - делінген хабарламада.

Қазақстан мен Швейцарияның жетекші өнеркәсіп кәсіпорындарының топ-менеджерлері Қазақстан Республикасының жаңартылған энергия көздерін өндіру және алдағы «ЭКСПО-2017» көрмесі бойынша бастамаларын іске асыру шеңберінде ықтимал ынтмақтастықты талқылайды

Барлық жаңалықтар