Ақтөбе облысы Маржанбұлақ ауылының 80 ауласына газ берілді
5 Қараша, 2014 19:06
Алға ауданының Маржанбұлақ ауылында тұрғын үйлерге газ қосу салтанатты рәсімі өтті, деп хабарлады облыс әкімдігі.
Маржанбұлақ ауылына газ тарту үшін облыстық бюджеттен 218,1 млн. теңге бөлінді. Ауылды газдандыру жұмыстарын «Тәуекел» ЖШС жүргізді. 1598 адамды қамтитын 480 аула газбен қамтамасыз етіледі. Маржанбұлақ ауылында газ құбырының ашылуымен аудандағы газбен қамтамасыз ету үлесі 83,1 пайызды немесе 33 257 адамды құрайды.
Қараша айында Қайыңдысай ауылын газдандыру жоспарланып отыр. Ал 2015 жылы Қарақұдық ауылында ішкі кварталды газ құбырын салу жоспарда бар. Оған газ жеткізетін құбыр өткен жылы салынған. Сонымен бірге Қарақобда, Ақай, Күлтабан, Көктоғай және Тікқайың ауылдарын газдандыру үшін техникалық-экономикалық негіздеме әзірленуде
