• Басты
  • Е. Сұлтанов: Дуальды білім алудың маңызды факторы – жұмыстан кетпей-ақ мамандық бойынша білім алу

Е. Сұлтанов: Дуальды білім алудың маңызды факторы – жұмыстан кетпей-ақ мамандық бойынша білім алу

5 Қараша, 2014 10:02
Дуальды білім алудың маңызды факторы - жұмыс істейтін жастар үшін жұмыстан кетпей-ақ мамандық бойынша білім алу. Бұл туралы СҚО әкімі Ерік Сұлтанов Кәсіби - техникалық кадрларды даярлау бойынша аймақтық кеңестің отырысында хабарлады.

Әкімдіктен хабарлағандай, бүгінде аймақта дуальды білім берумен 2 мыңнан астам адам қамтылған. Оқу орындары 48 кәсіпорынмен жаңа жүйе бойынша кадрларды даярлау мақсатында келісімге отырды. Ірі серіктестер - алпауыт зауыттар мен облыс ұйымдары.

Аймақ басшысы атап өткендей, бүгінде техникалық және кәсіби білім беру бойынша жалпы міндетті стандарттар өзгертілуде, бірнеше біліктілікті алу үшін модульды бағдарламалар жасақталған.

«Дуальды білім алудың маңызды факторы - жұмыс істейтін жастар үшін жұмыстан кетпей-ақ мамандық бойынша білім алу. Бұл туралы Елбасы өзінің халыққа Жолдауында нақты бағыт берген», - деп атап өтті Е. Сұлтанов.

Айта кетерлік жайт, 15 қазанда елімізде Дуальды білім берудің жол картасы мақұлданды. Оған СҚО-ның 12 колледжі енді. Соңғы 3 жылда облыста техникалық және кәсіби білімге бөлінетін қаржы 1,5 есе өсті. Осы жылы бұл салаға 3 млрд теңге бөлінді.

Білім басқармасының басшысы  Шолпан Қаринованың айтуынша, жыл сайын 4 мыңға жуық түлек еңбек нарығына шығарылады.  «Олардың басым бөлігі  - 70% - алғашқы жылда мамандығы бойынша жұмысқа орналасады. 2012-2013 жылдар бойы аймақта 11 мамандық бойынша дуальды білім беруді енгізетін  6 сынақ алаңы жұмыс істеді. Алғашқы оқу жылының қорытындысы бойынша әлеуметтік серіктестер өндіріске жақындату үшін оқу бағдарламасына өзгертулер енгізді», - деп атап өтті ол.

Бұдан басқа, келелі кеңеске Ресейдің мамандары да келді. Мұндай дуаль ды білім беру жүйесі ресейлік оқу орындарында жоқ. Сондықтан да көрші елден келген педагогтар аталмыш сала бойынша барынша ақпарат жинап қайтпақшы.

Алқа мәжілісінің соңына қарай СҚО-ның білім басқармасы, «Өрлеу» Ұлыттық біліктілікті арттыру орталығы» АҚ мен «Республикалық ғылыми әдістемелік орталық»АҚ-ның филиалы  дуалды білім беру саласында ынтымақтастық туралы келісімге отырды.

Барлық жаңалықтар