ҚР-да медициналық қалдықтарды тиімді басқару мен сынаптың таралуын алдын-алу шаралары талқылануда
Семинардың мақсаты - халықты құлақтандыру және медициналық қалдықтар мен сынаптың таралуын алдын-алу шараларын жақсартуда ведомствоаралық байланысты нығайту, деп ҚР Энергетика министрлігінен хабарлады.
«Семинардың жұмысына Германия, АҚШ, Латвия елдерінің сарапшылары, ҚР мемлекеттік органдарының, өндірістік кәсіпорынның, қалдықтарды қайта өңдеу және пайдалануға мамандандырылған кәсіпорындардың, медициналық мекемелердің, оқу орындары мен үкіметтік емес ұйымдардың өкілдері қатысуда», - делінген хабарламада.
Онда ҚР-ның Стокгольм Конвенциясы бойынша міндеттемелері, жаңа тұрақты органикалық ластағыштарды реттеу, олардың тізімін жасақтау және осы процесске мүдделі тарапты қатыстыру сынды мәселелер қаралатын болады.
Аталып өткендей, қатысушылар қоршаған ортаға сынаптың таралу тәуекелін төмендету, бақылау және мониторинг жүргізу бойынша алдыңғы қатардағы халықаралық тәжірибемен танысады.
Жалпы, семинардың бүтін бір сессиясы Қазақстандағы медициналық қалдықтарды қауіпсіз басқару мәселелеріне арналады.
