ҚР-да отандық тауар өндірушілердің сапасыз өніміне жауапкершілік күшейтілмек

«Мемелкекет басшысы 2012 жылғы Қазақстан халқына Жолдауында сапалы өнім шығаруды қамтамасыз ету үшін бизнеске қолайлы жағдай қалыптастыру керектігін айтты. Алайда аталмыш инновацияны енгізудің құқықтық құралдары әлі күнге дейін дайындалған жоқ. Біздің ойымызша, осынау архитектураға өтетін кез келді. Отандық тауар өндірушілердің сапасыз өз өніміне деген жауапкершілікті күшейту керек. Сонымен қатар, әкімшілік ауыртпалықтарды алып тастап, сертификат берудегі қағазбастылықтан арылу керек», - дейді Рақым Ошақбаев.

Оның айтуынша, техникалық реттеудің қолданыстағы жүйесі тұтынушыларды сапасыз өнімнен толыққанды қорғауға қауқарсыздық танытып отыр.

«Елді дамытуда тауар дайындау жауапкершілігінің қазіргі орнату тәжірибесі қолданылуда. Бұл өз кезегінде тұтынушыларға келер қауіпті азайтып, өнім сапасын арттырмақ. Сонымен қатар, тауар өндірушінің өзі үшінші тараптың қатысуынсыз техникалық реттеу мен стандарттар талаптарына сәйкестігі туралы декларация қабылдай береді», - дейді.

Ошақбаевтың  ойынша, көптеген елдерде мемлекет тарапынан бекітілген міндетті талаптар бар. «Кедендік одақ тәжірибесіне қарағанда мұндай талаптар саны барынша аз. Мемлекеттік бақылдау шаралары, айыппұл жүйесі бір жағынан тұтынушылар құқығын қорғауға мүмкіндік берсе, екінші жағынан кәсіпкерлікке барынша аз әкімшілік ауыртпалық жүктейді», - дейді.

Камила Амирова