Қазпочта «Халықтық IPO» бағдарламасын бастау сәтіне дайын

«Халықтық IPO» бағдарламасында компания брокер де және басқа брокерлер үшін трансфер-агент те болады. Бірінші кезең шеңберінде почта әкімшілігі 20 000 жуық инвестормен шарт жасасты, бұл «ҚазТрансОйл» АҚ акцияларын сатуға қатысқан басқа брокерлермен салыстырғанда клиенттердің үлкен саны, деп хабарлады «Қазпочта».

 «Бірінші кезең біткеннен соң, сервис және клиенттерге қызмет көрсету сапасын жетілдіру бойынша үлкен жұмыс атқардық. Бұл жылы қызметкерлер әлеуетті инвесторларға қызмет көрсету бойынша арнайы оқудан өтті, олардың жалпы саны шамамен 2000 адам», - деп атап өтті «Қазпочта» АҚ Басқармасының төрағасы Бағдат Мусин.

«Акцияларды сатып алуға брокерлік шот ашу және клиенттік тапсырыс беру үшін ҚР азаматының жеке куәлігі немесе төлқұжаты қажет. Клиенттердің уақытын үнемдеу мақсатында, компания «KEGOC» АҚ акцияларын сатып алуға арналған брокерлік шотты почта байланысы бөлімшелерінде күнібұрын ашуды ұсынады, өйткені брокерлік шотты ашу рәсімі қолданыстағы заңнамаға сәйкес үш күнтізбелік күнге дейінгі уақытты алады», - делінген хабарламада.

 «Халықтық IPO» бағдарламасының қатысушысы болуға болатыны жөніндегі және әлеуетті инвесторлар үшін қажетті ақпарат компанияның www.kazpost.kz ресми сайтында және бағдарламаның www.halyk-ipo.kz сайтында ұсынылған.