Павлодарда ТКШ жаңғырту бағдарламасы бойынша 16 тұрғын үй жөнделді
3 Қараша, 2014 14:33
Осы жылы Павлодар қаласында «Тұрғын үй коммуналдық шаруашылық қызметін жаңғырту» бағдарламасы бойынша 16 тұрғын үйге жөндеу жұмыстары жүргізілді, деп хабарлады қала әкімдігі.
«Бағдарлама қорытындысы бойынша 7 тұрғын үйге күрделі жөндеу жүргізіліп, 9 тұрғын үйдің суық және ыстық су құбыры желілері жаңартылды. 10 тұрғын үйдің жылу желілері өзгертіліп, су жылытқыш қондырғылары ауыстырылды», - делінген хабарламада.
Бүгінгі таңда тұрғын үйлердегі барлық жөндеу жұмыстары аяқталды, нысандарды пайдалануға беру қабылдануда.
