ІІД қызметкерлері бірінші сынып оқушыларын Астананың жолдарында қауіпсіздікті сақтауды үйретті (ФОТО)

3 Қараша, 2014 15:03

Астана қаласының ІІД Әкімшілік полиция басқармасының қызметкерлері «Ортақ жол» жолда қауіпсіз жүру қауымдастығымен бірлесіп елордалық № 67 мектеп гимназиясында білім алатын 1 сынып оқушылары үшін жолда қауіпсіз жүру алдын-алу акциясын өткізді.

Бұл мектепті қызметкерлер жайдан-жай таңдап алған жоқ. Білім ошағы көлік жиі жүретін мгаистралдың қасында орналасқан, деп елордалық ІІД хабарлады.

Айта кетерлік жайт, бірінші сынып оқышулары алдында жолда жүрудің жас инспекторлары сөз сөйледі. Олар балалар үшін түсінікті болсын деген мақсатта жолда жүру ережелерін ойын арқылы жеткізді.

«Шара соңында полицейлер бірінші сынып оқушылары үшін түнде жолда жүргенде жарық түсіретін арнайы білезіктерді тарту етті», - делінген хабарламада.

Мұндай білезіктерді тағып жүру түнгі уақытта жол көлік оқиғасының болмауына сетігін тигізеді, дәлірек айтсақ ол тәуекелді 6,5 есе төмендетеді және бұл шетелдік сарапшылармен дәлелденген», - деді Астана қаласының ІІД ӘПБ ерекше тапсырма бойынша аға инспекторы Лариса Красникова.

Жақын арада ІІД ӘПБ қызметкерлері қауымдастықпен бірлесін тағы да мыңдаған оқушыға жарық түсіретін білезіктерді тарту ететін болады, ол сырт қиімнің үстінен немесе сөмкеге тағып жүру үшін өте тиімді.

Барлық жаңалықтар