Екібастұзда «Жұмыспен қамту 2020» бағдарламасы бойынша ауыл әкімдеріне семинар өтті
24 Қыркүйек, 2013 08:58
Екібастұзда ауыл және ауылдық округ әкімдеріне «Жұмыспен қамту 2020» бағдарламасының жаңа мүмкіндіктері» атты семинар өтті, деп хабарлайды облыс әкімдігінің баспасөз қызметі.
Отырыс басында ҚР Еңбек және халықты әлеуметтік қорғау министрі қатысушыларға электронды үкімет жайында семинар өткізді.
Еңбек және халықты әлеуметтік қорғау министрі, Тамара Дүйсенова «Жұмыспен қамту – 2020» бағдарламасының қыр-сыры мен бағыттарын деңгей бойынша анықтап берді. Оған қоса, зейнетақы қорының жаңғыртылуы да тілге тиек болды.
Сонымен қатар, Т.Дүйсенова «ЖҚ-2020» бағдарламасының жоспарын жасауды атап өтті. Ол мемлекеттік және жеке инвестицияларды тартуға өз септігін тигізеді.
Тамара Дүйсенова Павлодар облысында «Жұмыспен қамту- 2020» бағдарламасының жүзеге асуын жоғары бағалады.
