Елбасы 5 қарашада ТМД елдерінің қауіпсіздік органдары мен арнайы қызметтері басшыларымен кездеседі
3 Қараша, 2014 09:31
Ақорданың ресми сайтында Мемлекет басшысының қатысуымен өтетін алдағы іс-шаралар аңдатпасы жарияланды.
"5 қарашада Тәуелсіз Мемлекеттер Достастығына қатысушы мемлекеттердің қауіпсіздік органдары мен арнайы қызметтері басшыларымен Қазақстан Президентінің кездесуі жоспарланған", - делінген хабарламада.
6-7 қарашада Қырғыз Республикасының Президенті Алмазбек Атамбаевтың Қазақстанға мемлекеттік сапары өтеді. Сапар аясында Қазақстан Республикасы мен Қырғыз Республикасының Жоғары мемлекетаралық кеңесінің 4-отырысы болады деп күтілуде.
