Көкшетауда сарапшылар өңірдегі тариф белгілеу мен реттеу мәселелерін талқылады

2 Қараша, 2014 11:32

«Нұр Отан» партиясының облыстық бөлімшесінде «Қазақстан. 2017 мақсаттары. Ұлттық әрекет жоспары» сайлауалды платформасының «Жасыл экономика» бағыты бойынша сараптамалық топтың отырысы өтіп, онда өңір халқының көкейінде жүрген мәселелер ортаға тасталды, деп хабарлайды «Нұр Отан» партиясының баспасөз қызметі.

Кездесу барысында «Айқын тариф» партиялық жобасы аясындағы жеке тұлғаларға арналған коммуналдық қызметтердің тарифының ашықтығы туралы Ақмола облысы ТМРА жетекшісінің міндетін арқарушы Разия Шұбаева мәлімдеді.

Табиғи монополиялар субъектісі қызметін бақылау мақсатында 2013 жылы субъектілердің тарифтік сметаны атқаруы бойынша 97 есеп пен инвестициялық бағдарламаның орындаруы бойынша 19 есептің сараптамасы жүргізілді.

Облыс бойынша соңғы екі жылдағы жылыту саусымындағы жылумен қамту қызметтері төлемінің халыққа қайтарылған сомасы құнын қайта есептеу нәтижесінде халыққа 24,8 млн теңгені құрады.

Қолданыстағы тарифтердің өзгеруіне байланысты биыл табиғи монополиялар субъектілері 53 өтініш беріп, соның тек 16-сына байланысты тарифті бектіу туралы шешім қабылданды. Тарифті өсіру негізі ретінде электр энергиясы, сұйық және қатты отын, тараптар ұйымдар қызметі құны мен ең төменгі жалақы көлемінің артуы ескеріледі.

Айта кету керек, табиғи монополиялар субъектілерінің тарифті өсіру кезіндегі ашықтықты қамтамасыз ету мақсатында 24 көпшілік тыңдалым өткізілді. Сонымен қатар 2000 жылдан бастап департамент жанынан сараптамалық кеңес жұмыс істейді. Оның құрамына Тұтынушылар мен кәсіпкерлер құқығын қорғау қауымдастығы, Ардагерлер мен тыл еңбеккерлері кеңесі, «Нұр Отан» партиясы өкілдері кіреді.

Тариф белгілеу процедураларының ашықтығын қамтамасыз ету мен тұтынушылар құқығын қорғауды күшейту мақсатында департамент облыс халқымен бекітілген тарифтік сметаны түсіндіру және инвестициялық бағдарламалар туралы ақпараттандыру жұмыстарын жүргізеді.

Жалпы, ТМРА департаменті 113 қызмет түрі бойынша табиғи монополиялардың 63 субъектісі қызметіне тарифті реттеу бойынша белгілі бір жұмыстар істейді.