• Басты
  • Таразда Алматы облысы мәдениет күндері өтті

Таразда Алматы облысы мәдениет күндері өтті

1 Қараша, 2014 15:06
Жамбыл облысында «Жерұйық мекен - Жетісу» атты Алматы облысы мәдениет күндері өтті, деп хабарлайды Алматы облысы әкімдігі.

4 күн бойы Жамбыл облысы халқы Алматы облысының үздік деген шығармашылық ұжымдарымен танысып, қолданбалы өнер саласы шеберлерінің көрмелерін барып тамашалау мүмкіндігіне ие болды. Сонымен қатар шарада өңірдің әлеуметтік-экономикалық дамуы да таныстырылып, Алматы облысының мәдениет қайраткерлерімен кездесу өтті.

«Мәдениет күндері аясында М.Тынышпаев атындағы облыстық тарихи-өлкентану музейінде, «Ұста Дәркенбай» музейі мен «Жеті Қазына» музейінде, Жамбыл Жабаев атындағы шығармашылық-мемориалды музейінде, облыстық шығармашылық және мәдени мұра орталықтарында, «Тамғалы Тас» және «Есік» қорық музейі жергілікті халыққа өз мақтаныштарын таныстырды», - делінген хабарламада.

Хабарламада айтылғандай, Б.Римовой атындағы облыстық драма театры «Уловка Айдар» (М.Ахманов), «Естай мен Қорлан» (Иран-Ғайып), «Өмір осындай» (Медеу Сәрсеке), «Махаббатсыз ғасыр» (Сұлтанәлі Балғабаев) қойылымдарын сахналады.

Сонымен қатар Таразда Алматы облысының индустриялды-инновациялық, ауыл шаруашылық және өнеркәсіптік әлеуеті көрсетіліп, өңірдің әлеуметтік-экономикалық дамуына үлес қосып жатқан кәсіпорындардан да аз-кем хабар берілді.

«Алматы облысы әкімі Амандық Баталов пен Жамбыл облысы әкімі Кәрім Көкірекбаев сауда-экономикалық, мәдени және туристік ынтымақтастық туралы меморандумға қол қойды», - делінген хабарламада.

Барлық жаңалықтар