• Басты
  • Талдықорғанда «Жасыл ел» еңбек маусымының қорытындысы шығарылды (ФОТО)

Талдықорғанда «Жасыл ел» еңбек маусымының қорытындысы шығарылды (ФОТО)

1 Қараша, 2014 12:59
«Жасыл ел» бастамаларды дамытудың тиімді жолы: ұсыныстар мен пікірлер» атты Талдықорғандағы жиында маусымның жабылуына байланысты еңбек семестрінің қорытындысы шығарылып, алдағы жұмыс жоспары бекітілді, деп хабарлайды Алматы облысы әкімдігінің баспасөз қызметі.

Хабарламада айтылғандай, ақырғы шараға ҚР Президент Әкімшілігі, министрліктер мен ведомства өкілдері, «Жасыл ел» өңірлік штабының жетекшілері мен белсенді мүшелері, облыстың аудандық және қалалық жастар ресурстық орталығы, жастардың ҮЕҰ қатысты.

«Жасыл ел» 10-шы мерейтой маусымының жабылу салтанатында штаб жұмысына қолдау көрсеткен үздік жасақ мүшелері мен командирлер, оқу орындары мен жұмыс берушілер марапатталды. «Үздік штаб» аталымында жеңімпаз ретінде Алматы облысы аталды», - делінген хабарламада.

Сонымен қатар шара аясында орталық қалалық паркте «Жасыл ел» ескерткіш аллеясы салынды.

Барлық жаңалықтар