Қазақстандықтардың әл-ауқаты әр азаматтың өз жұмысын жауапкершілікпен орындауына тәуелді – Петров
31 Қазан, 2014 11:33
Шығыс Қазақстан облысында ҚР ІІМ ТЖ комитеті төрағасы генерал-майор Валерий Петров ҚР Президентінің Қазақстан халқына «Қазақстан жолы-2050»: бір мақсат, бір мүдде, бір болашақ» Жолдауының негізгі қағидаларын іске асыру бойынша түсіндіру жұмыстарын жүргізді, деп хабарлайды комитет.
«ТЖК төрағасы Жолдаудың негізгі қағидаларын іске асыруды түсіндіру бойынша республикалық ақпараттық-насихат құрамымен Семей қаласына ат басын бұрып, «Семей автокөлік зауыты» ЖШС еңбек ұжымымен кездесіп, кәсіпорын жұмысымен танысты», - делінген хабарламада.
В.Петровтың айтуынша, Мемлекет басшысы Жолдауының негізгі қағидаларына тоқталып, «Қазақстандықтар әл-ауқатының артуы мен гүлденуі әр азаматтық өз жұмысын үлкен жауапкершілікпен орындауына тікелей байланысты. Бұл туралы Елбасының Жолдауында да елдегі бір мақсат, бір мүдде мен бір болашаққа баса назар аударылады», - дейді ол.
Сонымен қатар, жұмыс сапары барысында ҚР ІІМ ТЖК аймақтық бөлімшесінің жеке құрамымен де кездесті.
