• Басты
  • Ақмола облысы жеңістің 70 жылдығын мерекелеуді бастады

Ақмола облысы жеңістің 70 жылдығын мерекелеуді бастады

31 Қазан, 2014 10:48
Көкшетауда Ақмола облысының әкімі Сергей Кулагиннің қатысуымен Ұлы Отан соғысы Жеңісінің 70 жылдығына арналған шығармашылық ұжымдардың облыстық байқау-фестивалінің гала-концерті өтті, деп хабарлады облыс әкімдігі.

«Аймақта қарттар айлығы аясында  500-ге жуық ардагер қатысқан көркемөнерпаздар байқауы өткен болатын.   Сол байқауға қатысып, үздік өнер көрсеткен ұжымдар бүгінгі гала-концертте өз өнерлерін паш етті», - делінген хабарламада.

Шараның негізгі мақсаты-өскелең ұрпақты ұлтжандылық сезімге, жауынгерлік даңқты құрметтеуге тәрбиелеу, Ұлы Отан соғысы қаһармандарын еске алу, соғысқа қатысушылар мен тыл еңбеккерлерінің ұлтжандылық ерлігін кеңінен насихаттау, ұрпақтар сабақтастығы, шығармашылық мәдени белсенділікті сақтау, қарт адамдардың демалысын ұйымдастыру және оларды қоғамдық өмірге тарту.          

Гала-концертте облыс аудандары мен Көкшетау қаласының 12 кәсіби және көркемөнерпаз халықтық хор ұжымы өнер көрсетті. Мерекелік шарада барлығы  288  ардагер өнер көрсетті. 

Шараға қатысқан аймақ басшысы Сергей Кулагин, ардагерлерді келе жатқан жеңістің 70 жылдық мерейтойымен құттықтады.  Мерекелік шара барысында, ардагердерден құралған көркемөнерпаз ұжымдарды алғыс хаттармен, сыйлықтармен марапаттады. Атап айту керек, салтанатты шараны тамашалауға келген ардагерлер де ұмыт қалған жоқ, олардың  барлығына сый-сияпат жасалды

 

Барлық жаңалықтар