• Басты
  • Ж.Сәлімов: «Болашақ» бағдарламасы бойынша білім алған 7 мың түлек елімізде еңбек етуде
31 Қазан, 2014 10:33

Ж.Сәлімов: «Болашақ» бағдарламасы бойынша білім алған 7 мың түлек елімізде еңбек етуде

Бағдарлама жұмыс істегелі бері 10 мыңдай адам шетелге оқуға аттанса, қазіргі таңда солардың 7 мыңы елге оралып әр салада еңбек етуде, деп мәлімдеді «Ұлттық технологиялық даму агенттігі» АҚ төрағасының орынбасары, «Болашақ» қауымдастығы кеңесінің мүшесі Жұматай Сәлімов Астанадағы бағдарлама түлектеріне арналған бос жұмыс орындар жәрмеңкесінде.
Ж.Сәлімов: «Болашақ» бағдарламасы бойынша білім алған 7 мың түлек елімізде еңбек етуде

«Қазіргі таңда еліміздегі ірі компаниялар «Болашақ» бағдарламасы бойынша шетелден оқып қайтқан мамандарға деген сұранысты арттырып отыр. Жалпы, бағдарлама ашылғалы бері 10 мыңдай адам шетелге оқуға аттанса, қазіргі таңда солардың 7 мыңы елге оралып әр салада еңбек етуде. Атап айтар болсақ, олар негізінен мемлекеттік қызметтерде екені көңіл қуантады. Ал сол түлектердің нешеуі жұмыссыз жүр дегенге келер болсақ, бұл көрсеткіш шамамен 8-10 пайыз деңгейінде. Жалпы бұл бір жағынан заңды нәрсе, өйткені шет елдің үздік оқу орындарын тәмамдап қайтқан адамның анау-мынау жерде жұмыс істегісі келмейтіні түсінікті», - дейді ол.

Оның айтуынша, стипендия түлектерінің жұмыссыздық кезеңі ары кетсе 2-3 айға ұласады, одан кейін көбісі өз саласы бойынша жұмысқа орналаспақ.

«Бастапқы кездері бағдарлама бойынша негізінен заңгер және экономист мамандар дайындалды. 2006 жылдан бастап бағдарламаға өзгерістер енгізіліп, техникалық мамандықтарға  басымдылық берілді. Нәтижесінде қазіргі таңда стипендия бойынша білім алып жатқан жастардың 60 пайыздан астамы инженер, химик, мұнай-газ маманы, энергетик екені анық», - дейді.

Сонымен қатар, ол соңғы жылдары «Болашақ» бағдарламасының бакалавр дәрежесі жабылып, магистратура мен PhD докторларын дайындайтынын еске салды. Одан бөлек, оның айтуынша, тек оқуға емес, еңбек етіп жатқан мамандардың да шетелдерде тағылымдамадан өту мүмкіндігінің бар екенін айтты. Мысалға, БАҚ қызметкерлерінің BBC мен CNN секілді ақпарат саласының алпауыттарында біліктіліктерін жетілдіруге мүмкіндіктерінің бар екеніне тоқталды.

Бауыржан Мұқанов

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды