• Басты
  • Алматыда 83 отбасы ескі үйлерді бұзу бағдарламасы бойынша жаңа пәтерлерге ие болды
30 Қазан, 2014 18:03

Алматыда 83 отбасы ескі үйлерді бұзу бағдарламасы бойынша жаңа пәтерлерге ие болды

Бүгін Алматының Түрксіб ауданында ескі үйлерді бұзу Бағдарламасы бойынша 83 отбасыға жаңа пәтерлер кілттері тапсырылды. Аталған шараға Алматы қаласының әкімі Ахметжан Есімов, аудан әкімдері мен осы іске қатысы бар ұйымдар басшылары қатысты, деп хабарлады қала әкімдігі.
Алматыда 83 отбасы  ескі үйлерді бұзу бағдарламасы бойынша жаңа пәтерлерге ие болды | Strategy2050.kz

Мегаполис басшысы 1930-1960 жылдары салынған, әбден тозығы жеткен үйлерді бұзу арқылы жүзеге асатын бұл бағдарламаның өміршеңдігін атап өтті. Мысалы, осы бағдарлама қолға алынған 2012 жылдан бастап 23 жаңа тұрғын үй салынды, үстіміздегі жылдың соңына дейін 400 отбасы жаңа пәтерге көшетін болады.

«Президент Нұрсұлтан Назарбаевтың бастамасы арқылы қолға алынған ескі үйлерді бұзу бағдарламасы тек Алматыда ғана емес, жалпы ел көлемінде пилотты жобаға айналды. Бағдарлама өзінің өте тиімді екендігін іс жүзінде көрсетті, қалалықтар дән риза. Осының барлығы бұрынғы параметрлерді қайта қарап, олардың көлемін ұлғайтуға мүмкіндік береді», - деді Ахметжан Есімов.

Әкім Бағдарламаны жүзеге асырудың қаржылық жолының әрқилы екендігін айтты. Мысалы, II Алматы Инвестфорумында «Бәйтерек» қорымен 10 млрд теңге бөлінетіндігі туралы келісімге қол қойылған болатын. Бұдан өзге болашақта бұл іске жеке инвесторлар да қатысады деген үміт бар. Жалпы, алғашқы кезде қаржыландыру 20 млрд теңге болуы тиіс.

«Бұлардан өзге біз өзіміздің қалалық күрделі құрылыс кәсіпорнының 5 млрд теңгесін пайдаландық, келер жылы да дәл осы көлемде ақша бөлінетін болады, ол муниципиалды облигацияларды шығару және бағалы қағаздарды өткізуден түсетін қаржы. Біз өз қаржыларын салуға ниет білдіріп отырған жеке инвесторларға қолдау көрсетеміз. Осылайша, 2020 жылға дейін бірден 2 міндетті шешеміз, олар - ескі үйлерді бұзу, тұрғын үй құрылысын дамыту», - деді Ахметжан Есімов.

Назарларыңызға, Алматыда пилотты бағдарлама бойынша 67 тұрғын үй салынады. 2013 жылы 7 тұрғын үй салынды, бұлардағы пәтер саны 197, олардың жалпы алаңдары 9,5 мың шаршы метр. Биылғы 2014 жылы (503) пәтері бар 17 тұрғын үй салынды. 2015 жылы 29 тұрғын үй салынады деп жоспарлануда. Қазіргі кезде Алматыда 943 үй әбден тозығы жеткен ескі үй деп танылған.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды