• Басты
  • «ҚазМұнайГаз» 2014 жылдың соңына дейін жеті компанияны жекешелендіреді (Видео)
30 Қазан, 2014 17:16

«ҚазМұнайГаз» 2014 жылдың соңына дейін жеті компанияны жекешелендіреді (Видео)

«ҚазМұнайГаз» ҰК» АҚ 27 компанияны жекешелендіруді көздеп отыр, соның ішінде 2014 жыл соңына дейін жеті компанияны жекешелендіреді, деп мәлімдеді бүгін «ҚазМұнайГаз» ҰК» АҚ корпорациялық орталық бойынша басқарма төрағасының орынбасары Данияр Берлібаев инвесторлармен кездесу барысында.

«ҚазМұнайГаз» 2014 жылдың  соңына дейін жеті компанияны жекешелендіреді (Видео) | Strategy2050.kz

Ұлттық компанияның хабарлауынша, 2014-2020 жылдары ҚМГ 27 компанияны жекешелендіруді көздеп отыр, соның ішінде 2014 жыл соңына дейін жеті компанияны жекешелендіреді.

«Самұрық-Қазына» қорының шешімімен биыл «Қазтеңізкөлікфлоты» ҰТКК ЖШС, «Еуро-Азия Эйр» АҚ, «Қазақстандық мұнай және газ институты» АҚ, «Қазақстан-Британ техникалық университеті» АҚ, PALPLAST S.A., ROMINSERV VALVES IAIFO SRL, GLOBAL SECURITY SISTEM S.A сатылмақ.

«Бұлар тұрақты түрде кәсіппен айналысатын компаниялар. Сату шарты ашықтық пен жариялылық. Сауда «Самұрық-Қазына» ережесімен ҚР Қаржы министрлігі алаңында жүзеге асырылады. Егер компания стратегиялық актив болған жағдайда, ол екі кезеңдік байқауға шығарылады», - дейді Д.Берлібаев.

Оның айтуынша, жекешелендіруден түскен қаражат «ҚазМұнайГаз» қазынасына аударылады. «Отандық кәсіпкерлік осы шараға белсенді қатысуы біз үшін өте маңызды. Сол себепті біз сату шараларын Румынияда да өткізбекшіміз», - дейді.

«2015 жылы «ҚазТрансГаз Аймақ» компаниясы мен «ҚазТрансГаз Алматы» компанияларының 49 пайыз акциясы жекенің қолына өтпек. Олар халықтық IPO бағдарламасы арқылы сатылымға шығарылмақ. Сонымен қатар, тағы да бес компания сатылады. 2018 жылы және төрт компания жекешелендіріледі», - дейді Берлібаев кездесуде.

Айтпақшы шара барысында ҚМГ мен үлескер компания жетекшілігі жекешелендірілетін активтерді сату ережелерін таныстырып, барынша тиімді нысандардың атын атап, түсін түстеп берді. Өздеріңізге де белгілі, Мемлекет басшысының ҚР Үкіметі мойнына жүктеген тапсырмасы аясында «Самұрық-Қазына» АҚ –мен бірлесіп 2014-2016 жылдарға арналған Жекешелендірудің кешенді жоспары дайындалды.

Бұрындары айтылғандай, жекешелендіру бағдарламасын іске асыру аясында мемлекеттің ел экономикасына қатысуын азайтуға көзделген.

Камила Амирова

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды