• Басты
  • Астанада Мемлекеттік басқару академиясы мен TIKA арасындағы ынтымақтастық талқыланды
29 Қазан, 2014 19:28

Астанада Мемлекеттік басқару академиясы мен TIKA арасындағы ынтымақтастық талқыланды

ҚР Президенті жанындағы Мемлекеттік басқару академиясы ректоры Болатбек Әбдірәсілов TIKA ұйымының Кавказ және Орталық Азия елдерінің білім беру жобалары департаменті директоры Әли Өзгүн Өзтүрікпен және Қазақстандағы TIKA өкілдігінің басшысы Мехмет Бодурмен кездесті.

Астанада Мемлекеттік басқару академиясы мен TIKA арасындағы ынтымақтастық талқыланды | Strategy2050.kz

Кездесуде білім беру және ғылыми салалардағы екіжақты ынтымақтастық пен Академияның білікті профессорлық-оқытушылық құрамын Түркиядағы алдыңғы қатарлы ғылыми-оқыту институтына біліктілік арттыру мен Сот институты магистранттарын шет елдік тағылымдамаға жіберу мәселелері талқыланды.

«Осы кездесуде қазақстандық тарап TIKA қолдауымен Түркия Республикасындағы жемқорлыққа қарсы күрес саясатын іске асыру тәжірибесін зерттеу бойынша бастамалар көтер3ліп, осы саладағы сарапшылар тәжірибесін алмасуды жолға қою керектігі айтылды. Сонымен қатар Академия басшылығы Түркиядан келген қонақтарды 2012 жылдан бастап TIKA-мен бірлесіп ұйымдастырып жатқан жұмыс нәтижесімен таныстырды», - деп хабарлайды академияның баспасөз қызметі.

Хабарламада айтылғандай, тараптар дамып келе жатқан ынтымақтастыққа жоғары баға берді. Әли Өзгүн Өзтүрік TIKA ұйымының бірлескен жобаларды іске асыруға жан-жақты қолдауға дайын екендігін білдірді.

Баспасөз қызметінің хабарлауынша, TIKA мемлекеттік қызметкерлерді дайындау жүйесін жетілдіру мен дамыту саласындағы Академияның басты әріптестерінің бірі. TIKA қолдауымен тұрақты түрде Академияның профессорлық-оқытушылық құрамы мен магистранттары Түркияның алдыңғы қатарлы оқу орындарында біліктіліктерін арттырады. 2012 жылдың желтоқсан айында TIKA қолдауымен Академияда 36 орындық жаңа компьютерлік техникамен қашықтықтан оқытатын кабинет ашылды. Ал 2013 жылдың желтоқсанында заманауи типографиялық құрылғылармен қамтамасыз етілген мемлекеттік тілді оқыту  мен аударма орталығы өз жұмысын бастады.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды