Қазақстан мен Чилидің тауар айналымы 2014 жылдың 8 айында 7 млн долларды құрады
29 Қазан, 2014 18:59
Қазақстан мен Чилидің тауар айналымы 2014 жылдың 8 айында 7 млн долларды құрады. Бұл туралы ҚР ұлттық экономика вице-министрі Тимур Жақсылықов Чилидің ҚР-дағы елшісі Хуан Эдуардо Эгигуренмен кездесу барысында мәлім етті.
«Чили мен Латын Америка Қазақстанның сыртқы саясатын дамыту бағыттарының бірі», – деп атап өтті Тимур Жақсылықов.
Оның айтуынша, қазақстандық-чилилік байланысты кеңейту және нығайту әлеуеті өте жоғары.
Бұдан басқа, тараптар ЕАЭО мен Тынық мұхыты альянсы мемлекеттерінің ынтымақтастығын талқылады.
