Алматы облысында 10 000 көшет отырғызылды
26 Қазан, 2014 15:48
Алматы облысы бойынша санитарлық тазалық айлығының аясында жалпы облыстық сенбілік өткізілді, деп хабарлады облыс әкімдігі.
«Оған өңірдегі барлық мекеме-ұйымдар ұжымдары мен тұрғындар атсалысты. Облыс елді мекендерінің аумақтары тазаланып, қоқыстар шығарылды. Сонымен қатар Талдықорған қаласында 2000 көшет отырғызылса, облыс бойынша егілген ағаш саны 10 000-ға жетті», - делінген хабарламада.
