Көкшетаудағы ауыл шаруашылығы жәрмеңкесіне өнімнің 40 түрі қойылды
26 Қазан, 2014 11:02
Көкшетауда Ақмола облысының ауыл шаруашылығы өнімінің жәрмеңкесі өтті, деп хабарлады өңір әкімдігі.
«Жәрмеңкеге өнімнің 40 түрі жеткізілді. Оның ішінде 30 тонна ет пен шұжық, 1,5 тонна балық, 20 мың дана жұмыртқа, 10 тонна ұн, 2 тонна астық, 11 тонна қант, 6 мың литр өсімдік майы, 35 тонна картоп, 21 тонна көкөніс, 4,4 мың тонна сүт өнімі», - делінген хабарламада.
Әкімдікте хабарлағандай, аймақ басшысы Сергей Кулагин ауыл шаруашылығы жәрмеңкесіне барды. Ол сатылымға қойған тауардың сапасы мен бағасына назар аударды.
