Астанада Ұлыбританияның 40 оқу орны оқыту бағдарламаларын таныстыруда
25 Қазан, 2014 14:32
Астанада Ұлыбританияның 40 оқу орны оқыту бағдарламаларын таныстыруда, деп хабарлады «Халықаралық бағдарламалар орталығы» АҚ.
«Оқыту көрмесі қазақстандық оқушыларды, студенттер мен олардың ата-аналарын британдық оқыту бағдарламасының әлеуетімен таныстыруды көздейді. Көрмеге Ұлыбританияның 40 жетекші оқу орны қатысады, олар кәсіптік-техникалық бағдарламаларының ерекшеліктерімен бөліседі», - делінген хабарламада.
Көрме аясында магистратура, резидентура, докторантура және ғылыми, педагогикалық, инженерлік-технологиялық, «Болашақ» бағдарламалары бойынша консультациялар өткізіледі.
