• Басты
  • ЭКСПО-2017 көрмесі Қазақстанға 283 миллион еуродан артық пайда әкеледі
22 Қазан, 2014 17:37

ЭКСПО-2017 көрмесі Қазақстанға 283 миллион еуродан артық пайда әкеледі

Бүгін, қазанның 22-сі күні «ЭКСПО-2017» Халықаралық мамандырылған көрмесіне қатысушылардың бірінші кездесуі кезінде демеушілік пен ұжымдық қатысу мәселесі талқыланды. Бұл туралы «Астана ЭКСПО-2017» ұлттық компаниясы» АҚ инвестициялар және коммерциализация департаментінің директоры Ержан Мейрамов баяндап берді.
ЭКСПО-2017 көрмесі Қазақстанға 283 миллион еуродан артық  пайда әкеледі

Оның хабарлауынша, ЭКСПО-2017 көрмесі кезінде коммерциялық жұмыстан 283 миллион еуродан астам пайда түседі. Аталған сомманың 81 пайызын демеушілік пен билет сатудан түсетін ақша құрайды деген жоспар бар.

Жалпы, адамдар көрмеге 5 миллион рет келіп кетсе, билет сатудан 82 миллион еуродан астам ақша түседі. Ержан Мейрамовтың сөзіне қарағанда, демеушіліктің төрт деңгейі белгіленбек. Соманың көлеміне қарай сан алуан жеңілдіктер беріледі.

«Демеушілер үшін салықтық жеңілдіктер қарастырылған. Оған қоса, олар өз тауарлары мен қызметтерін емін-еркін сата алады», - дейді Е.Мейрамов.

Жалпы, көрменің коммерциялық жоспары мемлекет шығындарын барынша азайтып, кіріс жағын жан-жақты ұлғайтуды көздейді. Ал жоспардың барлық іс-шаралары Халықаралық көрмелер бюросының барлық ережелеріне сай болады.

«Негізі, Халықаралық көрмеге дайындық жұмыстары аясында отандық бизнесті дамытуға қажетті жағдай жасалады. Осыны ерекше атап өткен жөн. Мәселен, жалпы тамақтану қызметтерін ұсынуға, бөлшек сауда, электронды коммерция, қонақ үй мен туристік бизнесті жүргізуге, концерттер мен сан алуан ойын-сауық шараларын ұйымдастыруға әбден болады», - деп атап көрсетті департамент басшысы.

Айта кетейік, «ЭКСПО-2017» Халықаралық мамандырылған көрмесіне қатысушылардың бірінші кездесуі - Париждегі Халықаралық көрмелер бюросы Бас ассамблеясының 155 сессиясында «ЭКСПО-2017» Халықаралық көрмесін Қазақстанда өткізу туралы ресми шешім қабылданғаннан кейінгі алғашқы шара. Форумға Халықаралық көрмелер бюросының (ХКБ) басшылығы, ЭКСПО Комиссары хатшылығының қызметкерлері, сондай-ақ ЭКСПО-2017 көрмесіне ресми шақыру алған 86 елдің 200-ден астам өкілі қатысуда.

Бауыржан Мұқанов 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды