«ЭКСПО-2017» көрмесі барысында 3 мыңнан астам түрлі шара өткізіледі

22 Қазан, 2014 16:13

Бүгін, қазанның 22-сі күні «ЭКСПО-2017» Халықаралық мамандырылған көрмесіне қатысушылардың бірінші жиналысы барысында «Астана ЭКСПО-2017» ҰК» АҚ Маркетинг және ілгерілету департаментінің директоры Әсел Қожақова халықаралық көрменің мәдени-сауықтық бағдарламасын таныстырды.

«ЭКСПО-2017» халықаралық көрмесінде ұйымдастырылатын 3 мыңдай мәдени-сауықтық шаралар қоғамның әр мүшесіне арналған және баршаға қолжетімді. Үш айға созылатын шараға отандық және шет елдік шығармашылық ұжымдары қатыспақ», - дейді Қожақова.

Оның айтуынша, ЭКСПО-2017 халықаралық көрмесі Қазақстан жерінде түрлі мәдениет өкілдерінің бас қосатын алаңға айналмақ.

«Халықаралық көме бюросы Бас хатшысы В.Г.Лоссерталес мырзаның да айтып өткеніндей, ЭКСПО көрмелері тек инновациялық және ғылыми сипаттармен ғана шектелмейді. Көрме аясында мемлекет өзінің мәдени жетістіктері мен артықшлықтарын да паш етеді», - дейді.

Ә.Қожақова өз сөзінде ЭКСПО аумағына салынатын мәдени ошақтарға да тоқтала кетті.

«ЭКСПО аумағына 1000 орындық театр, заманауи өнер орталығы, түрлі павильондар орын тебетін болады. Аталмыш заманауи өнер музейін бір мезетте 1000 адам еркін аралай алады. Үш айлық шарада ұлттық бағдарламалардан бөлек арнайы тақырыптық күндер мен шаралар да ұйымдастырылады. Түрлі мәдениет өкілдерінің басын қосатын көрме Батыс пен Шығыстың арасында алтын көпірге айналып, адамзаттың жадында мәңгі қалмақ», - дейді.

Бауыржан Мұқанов

Барлық жаңалықтар