Қ.Көшербаев: Сыбайлас жемқорлықпен күресте қоғамның назарын аудару қажет

22 Қазан, 2014 17:24

Қызылордада сыбайлас жемқорлыққа қарсы күрес мәселелері, облыс әкімдігі жанындағы құқық бұзушылық профилактикасы жөніндегі ведомствоаралық комиссияларының және облыстық прокуратура алқасының бірлескен отырысы болып өтті, деп хабарлады облыс әкімдігі.

«Мәжіліске облыс әкімі Қ.Көшербаев, өңіріміздің бас прокуроры С.Нұрпейісов, облыстық прокуратура қызметкерлері, басқарма басшылары, ҮЕҰ өкілдері қатысты», -делінген хабарламада.

Кеңесте өңірімізде «Мүлдем төзбеушілік» принципін қалыптастырудың кейбір мәселелері және облыстағы сыбайлас жемқорлықпен күрестің жағдайы тақырыбында облыс прокурорының орынбасары Р.Райханов пен облыс әкімі аппаратының басшысы Қ.Жайсаңбаев баяндама жасады.

Аймақ басшысы өз сөзінде сыбайлас жемқорлықпен күресте қоғамның назарын аудару маңызға ие болу керек. Ол көптеген мәселенің шешілуіне ықпал етеді.

«Елбасымыз Жолдауында айтып өткендей, жемқорлықпен күрестің маңызды қадамы - «мүлдем төзбеушілік» принципін қалыптастыру. Нәтижесінде қоғамдағы сыбайлас жемқорлық жүрген жерде мемлекеттік өкімет пен атқарушы органдардың абыройы төмендей бермек», - деді облыс әкімі.

Барлық жаңалықтар