• Басты
  • ЭКСПО-2017 тақырыбы үш саланы бірдей қамтиды -Т.Ермегияев
22 Қазан, 2014 13:14

ЭКСПО-2017 тақырыбы үш саланы бірдей қамтиды -Т.Ермегияев

ЭКСПО-2017 халықаралық көрмесінің тақырыбы болып табылатын «Болашақтың энергиясы» мәселесі үш бірдей саланың дамуына қарқын бермек. Атап айтар болсақ, ол тұрақты даму, экологиялық қауіпсіздік және энергетика тапшылығы мәселелері, деп мәлімдеді бүгін «Астана ЭКСПО-2017» ҰК» АҚ басқарма төрағасы Талғат Ермегияев «ЭКСПО-2017» халықаралық мамандандырылған көрмесіне қатысушылардың бірінші кездесуінде.
ЭКСПО-2017 тақырыбы үш саланы бірдей қамтиды -Т.Ермегияев

«ЭКСПО-2017 халықаралық көрмесінің тақырыбы ретінде таңдалып отырған «Болашақтың энергиясы» мәселесі тұрақты даму, экологиялық қауіпсіздік және энергетика тапшылығы мәселесін қамтиды. Осы орайда аталмыш шараның әлем жұртшылығын мазалап отырған осы үш саланың да дамуына серпін беретініне сенімдіміз», - деді Т.Ермегияев.

Оның айтуынша, Қазақстанның ұйымдастыруымен көптеген  мемлекеттер мен халықаралық ұйымдардың қатысуымен өтетін көрме одан кейінгі жылдары да адамзаттың мұрасы болып қала бермек.

«ЭКСПО-2017» көрмесін ұйымдастыру үшін Қазақстанда барлық қажетті әкімшілік және материалдық ресурстар бар. Осыны халықаралық қатысушыларға жеткізу – бүгінгі жиналыстың басты мақсаты. ЭКСПО сияқты жобаларға жоғары халықаралық талаптар қойылады. Біз сол талаптардың барлығын сақтай отырып, өз көрмемізді өткізе аламыз», - дейді «Астана ЭКСПО-2017» ҰК» АҚ басқарма төрағасы Талғат Ермегияев.

Айта кетейік, аталмыш шара Париждегі Халықаралық көрмелер бюросы Бас ассамблеясының 155 сессиясында «ЭКСПО-2017» Халықаралық көрмесін Қазақстанда өткізу туралы ресми шешім қабылданғаннан кейінгі алғашқы шара.

Екі күндік форумға Халықаралық көрмелер бюросының (ХКБ) басшылығы, ЭКСПО Комиссары хатшылығының қызметкерлері, сондай-ақ ЭКСПО-2017 көрмесіне ресми шақырту алған 86 елдің 200-ден астам өкілі қатысуда.

Бауыржан Мұқанов 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды