ҚазМұнайГаз елордалық жоғары сынып оқушыларына арнап кәсіптік бейімделу жұмыстарын жүргізді
22 Қазан, 2014 15:18
Астанада «ҚазМұнайГаз - қайта өңдеу және маркетинг» АҚ өндірістік блогының мамандары 9-11 сынып оқушыларымен кәсіптік бейімделу жұмысы аясында кездесті, деп хабарлады «Самұрық-Қазына»ҰӘҚ»АҚ.
«Кездесу барысында ҚазМұнайГаз өкілдері оқушыларға Атырау МӨЗ, Павлодар МСЗ және «ПетроКазахстан Ойл Продактс» сынды мұнай өңдеу зауыттырын жаңғырту және 2013 желтоқсанда іске қосылған Ақтау битум зауытының жұмысы туралы кеңінен әңгімелеп берді», - делінген хабарламада.
Кәсіптік бейімдеу жұмыстары елордалық Жастар саясаты мәселелері басқармасының ұйымдастыруымен өткізілуде. Жалпы, оған Астананың 3000-нан астам оқушысын қатыстыру көзделген.
