ШҚО-да өндірістік өнімді өндіру көлемі 4 млрд долларды құрады

22 Қазан, 2014 11:18

Өндірістік өнімді өндіру көлемі ағымдағы жылдың 9 айында 4 млрд долларға жуық қаражатты құрады, бұл өткен жылдың сәйкесінше кезеңімен салыстырғанда 8,5%-ға жоғары, деп хабарлады ШҚО-ның Ақпараттық орталығы.

«Облыс әкімі Бердібек Сапарбаев ағымдағы жылдың 9 айынының әлеуметтік-экономикалық дамуын қорытындылады. Өсім Шығыс Қазақстанның барлық салаларында байқалды. Аймақтың орта және шағын бизнесінде белсенді дамып келеді», - делінген хабарламада.

Бұдан басқа, ШҚО-да Қазақстанда өндірілетін металлургиялық өнімнің төрттен бір бөлігі шығарылады. Машинақұрылысы өнімінің 27,4%, инновациялық өнімдердің 20% өндіріледі.

«Сонымен қатар, ШҚО мектеп құрылысы бойынша жетекші өңірдің бірі, айта кетерлік жайт құрылыс жергілікті бюджет есебінен жүргізіледі. Жалпы, 2014 жылы аймақта барлығы 58 білім беру нысанының құрылысы жүргізілуде, оның 41 - мектеп. Ал, денсаулық сақтау саласында әлеуметтік маңызды көрсеткіштер біршама тұрақтады. Бұл саланы қаржыландыру көлемі ағымдағы жылы 50,8 млрд теңгеден асты, ол 2011 жылмен салыстырғанда 1,6 есе өскен», - деп атап өтті Бердібек Сапарбаев.

Барлық жаңалықтар