• Басты
  • Ұ.Қарабалин:2015 жылы энергетика министрлігі көлікте энергия сақтау бағдарламасын әзірлейді

Ұ.Қарабалин:2015 жылы энергетика министрлігі көлікте энергия сақтау бағдарламасын әзірлейді

21 Қазан, 2014 15:44
2015 жылы энергетика министрлігі көлікте энергия сақтау бағдарламасын әзірлейді, бұл туралы ОКҚ брифингінде энергетика вице-министрі Ұзақбай Қарабалин мәлімдеді.

«Энергетика министрлігі мемлекеттік органдармен бірігіп 2015 жылы көлікте энергия сақтау бағдарламасын әзірлейді. Аталмыш бағдарламаны жүзеге асыру Қазақстан автопарктерін жаңғыртуға мүмкіндік беріп, мұнай өнімдерін қолдану көлемін азайтып, қозғалтқышының көлемі кішкентай автокөліктердің санын арттыруға мүмкіндік береді», - деді ол.

Оның айтуынша, аталмыш шара қалалардың экологиясын жақсарту  мен жанар жағармай тұрақтылығын арттыруға мүмкіндік береді.

ЭМ бірінші вице-министрі атап өткендей, Қазақстан энергияны үнемдеу бойынша жоғары әлеуетке ие.

«Республикадағы энергия сақтаудың техникалық әлеуеті жалпы энергия ресурстарын қолдану көлемінің  27 пайызына тең. Бұл мұнай эквивалентінің 62 млн тоннасына тең, оның ішінде 10 млн тонна көлік есебінен», - деді Ұ.Қарабалин.

Индира Қауметова

Барлық жаңалықтар