Ақмола облысында интернационалист-жауынгерлерге монумент ашылды
«Монументтің салтанатты ашылу шарасына «Ауған ардагерлері мен мүгедектері кеңесі» қоғамдық бірлестігі мүшелері, ҚР Парламенті Мәжілісінің депутаты, «Қазақстан Ардагерлері» Ауған соғысы ардагерлері қауымдастығының төрағасы Бақытбек Смағұл қатысты», - делінген хабарламада.
Ескерткіш аудандық ауған соғысы ардагерлері кеңесінің төрағасы Сәтпек Әлімжановтың бастамасымен пайда болды.
«Біз Ауған соғысы ардагерлерін ұлықтауымыз керек. Олар өскелең ұрпақ үшін көзі тірі үлгілі тұлғалар. Отанды сүю мен патриоттыққа тәрбиелеуде ауған соғысы ардагерлерінің алар орны ерекше», - дейді Ақкөл ауданының әкімі Теміржан Едігенов.
Айта кету керек, мәрмәр таста Иван Фраймут, Владимир Ющик, Владимир Селиванов пен Кеңес Нұрмағамбетовтың бейнелері бейнеленген. Сонымен қатар, соғыста ерлік көрсеткен жауынгерлердің де ескерткіштері жазылған.
