2014 жылы Қазақстанның ЖІӨ өсімі 5 пайыз деңгейінде болады деп күтілуде – Келімбетов
21 Қазан, 2014 13:52
2014 жылы Қазақстанның ЖІӨ өсімі 5 пайыз деңгейінде болады деп күтілуде. Бұл туралы ОКҚ брифингінде Ұлттық банк төрағасы Қайрат Келімбетов мәлімдеді.
«Үкімет 2014 жылдың республикалық бюджетіне өзгерістер енгізуді қарастыруда. Жалпы, ЖІӨ өсімі 5 пайызды құрайды», - деді ол.
Қ. Келімбетов атап өткендей, 9 айдың қорытындысы бойынша ЖІӨ өсімі 4-5 пайыз көлемінде тұрады.
Айта кетейік, Ұлттық экономика министрі Ерболат Досаев Мәжілісте 2015-2019 жылдарға арналған әлеуметтік-экономикалық даму болжамын таныстыруында ЖІӨ өсімі 5,3-6,8 пайыз деңгейінде тұрақтайтынын айтқан болатын. «Болжам бойынша ЖІӨ өсімі 2015 жылы 45 трлн теңгені құрап, 2019 жылы 72,8 трлн теңгеге өседі», - деді Досаев.
Камила Амирова
