• Басты
  • Қарағандыда «ЖҚЖК-2020» бағдарламасына қатысушылардың саны 8 мыңнан асты

Қарағандыда «ЖҚЖК-2020» бағдарламасына қатысушылардың саны 8 мыңнан асты

21 Қазан, 2014 11:48
Қарағандыда қазіргі уақытта «Жұмыспен қамту жол картасы – 2020» бағдарламасына қатысып жатқан саны 8206 адамға дейін жетті, деп хабарлады облыс әкімдігі.

«2011 жылғы көрсеткішпен салыстырғанда жалдамалы жұмыскерлер саны 31 мың адамға көбейсе, өз бетімен жұмыс істейтіндер саны 24 мың адамға азайды. Қазіргі уақытта «Жұмыспен қамту жол картасы – 2020» бағдарламасына қатысып жатқан саны 8206 адамға дейін жетті.

Бағдарламаның бірінші бағыты бойынша 88 жобаны жүзеге асыру жоспарда тұр», - делінген хабарламада.

Ал екінші бағыт бойынша шағын несие беру барысында 755,4 млн. теңге өндірілсе, ол дегеніміз жоспардың 100,3%-ы орындалды деген сөз. Бұл мал шаруашылығына жұмсалған қаржылар.

Үшінші бағыт, яғни кәсіби оқыту, әлеуметтік жұмыс және жастар тәжірибесі көрсеткіштері орындалды.

Сонымен қатар, кемшіліктері де бар. Жұмысқа тұрғандардың барлығында зейнетақы жүрмейді. Шахтинскіде 48 пәтерлі екі үйдің құрылысы аяқталмаған.

Осы мәселелерді толықтыру мақсатында Нұрмұхамбет Әбдібеков қала және аудан әкімдеріне, бюджет бағдарламасы әкімшілігіне «Жұмыспен қамту жол картасы – 2020» бағдарламасының бірінші бағытын осы жылдың 1 желтоқсанына дейін және 2015 жылға бағытталған жұмыс орындарымен қамтамасыз ету мәселелерін тапсырды. Сонымен қатар, Қарағанды және Шахтинск қаласының әкімдеріне қызметтік тұрғын-үйдің құрылысының аяқталуына амалдар қолдануды тапсырды.

 

Барлық жаңалықтар