• Басты
  • Этнографиялық экспедициясының қатысушылары жүріп өткен жолдары туралы фильм түсіреді

Этнографиялық экспедициясының қатысушылары жүріп өткен жолдары туралы фильм түсіреді

20 Қазан, 2014 18:19
«Менің елім - Мәңгілік ел: Каспийден Алтайға дейін» экспедициясының қатысушылары жобаны аяқтағаннан кейін фильм, телебағдарлама мен «Менің елім» кітабын дайындайды. Онда жүріп өткен жолдарында алған әсерлерімен бөліспек. Бұл туралы «Менің елім - Мәңгілік ел: Каспийден Алтайға дейін» этнографиялық жастар экспедициясының үйлестірушісі Евгений Рибалко мәлімдеді.

«Соңғы бейнеөнімге келер болсақ, менің ойымша, бұл өте құнды дүние болмақ. Қанша уақытқа созылатынын қазір дөп басып айта алмаймын, дегенмен материал өте көп. Мүмкін, бірнеше сериядан тұратын бейнеөнім болмақ, мүмкін толықметражды фильм болуы да ғажап емес», - дейді. 

Сонымен қатар жетекшінің айтуынша, аталмыш дүние республикалық телеарналарда көрсетіледі.

«Менің ойымша, бұқаралық ақпарат құралдары аталмыш өнімді республикалық деңгейде насихаттамақ», - дейді.

Естеріңізге сала кетейік, «Менің елім - Мәңгілік ел: Каспийден Алтайға дейін» жобасы қазақстандық жастардың басын біріктіріп, елдің көркем жерлерін насихаттау мақсатында қолға алынып отыр.

Индира Қауметова

Барлық жаңалықтар