• Басты
  • Этнография экспедициясының алғашқы қатысушылары Қазақстан бойынша 10 мың шақырымды бағындырмақ
20 Қазан, 2014 17:55

Этнография экспедициясының алғашқы қатысушылары Қазақстан бойынша 10 мың шақырымды бағындырмақ

«Менің Елім Мәңгілік Ел: Каспийден Алтайға дейін» жастар этнографиялық экспедиция командасы отандық өндіріс автокөліктерімен қазақстандық жолдармен 10 мың шақырымды жүріп өтуге ниет білдіріп отыр. Бұл туралы «Менің Елім Мәңгілік Ел: Каспийден Алтайға дейін» жастар этнографиялық экспедиция командасының үйлестірушісі Евгений Рибалко ОКҚ-нің Павлодардағы көшпелі брифингінде.
Этнография экспедициясының алғашқы қатысушылары Қазақстан бойынша  10 мың шақырымды бағындырмақ

«Менің Елім Мәңгілік Ел: Каспийден Алтайға дейін» жастар этнографиялық экспедиция командасы 1 қазанда Ақтау қаласынан басталды, енді қазақстандық жолдармен 10 мың шақырымды жүріп өтпекші», - дейді команда үйлестірушісі Евгений Рибалко.

Оның айтуынша, жоба қазақстандық жастарды еліміздің көркемдігі мен өзіндік ерекшеліктері туралы ортақ идеяларға біріктіру, бірыңғай татулық пен келісім құндылықтары негізінде қоғамда патриоттық көңіл-күйді арттыру мақсатында іске асырылуда.

«Экспедиция құрамында этнограф, фотограф, журналист, блогер, артист, бейне-оператор, медицина қызметкері, сондай-ақ экспедицияның әкімшілігі, жүргізуші және техникалық қызмет өкілдері бар. Командадағы барлық адам саны – 20. Экспедицияның бағыты: Ақтау – Атырау – Орал – Ақтөбе – Қостанай – Петропавл – Көкшетау – Қарағанды – Павлодар – Өскемен – Алматы – Тараз – Шымкент – Қызылорда – Ақтау – Астана қалалары», - дейді ол.

Жобаның соңында «Менің елім-Мәңгілік ел» экспедициясына қатысушылар фильм, хабар дайындап, бүкіл елімізді аралаған сапар кезінде алған әсерлері, Қазақстанның барлық 16 өңірі табиғатының көрнекті жерлері туралы «Менің елім» фотокітабын шығарады

Айта кетейік, Мемлекет Басшысы Н.Ә. Назарбаев Ақтау қаласында экспедицияға сәт-сапар тілей отырып, патриотизмді нығайту және еліміздің туристік әлеуетін дамытуға осындай бастамалардың маңыздылығын атап өткен болатын.

Индира Қауметова

Барлық жаңалықтар