2015 жылы ТКШ жаңғырту бағдарламасы бойынша 25 мың км желі жаңғыртылады – ҰЭМ

20 Қазан, 2014 16:10

2015 жылы ТКШ жаңғырту бойынша 25 мың км желі жаңғыртылады .Бұл туралы бүгін ҚР Парламенті Мәжілісіндегі «Нұр Отан» партиясы фракциясының жанындағы өңірлік саясат және мәслихаттармен жұмыс жөніндегі кеңес отырысында ҚР Ұлттық экономика вице-министрі Қайырбек Өскенбаев мәлім етті.

«2014 жылы республикалық бюджеттен 11 млрд 847 млн теңге 698 үйдің жөндеу жұмыстарына бөлінді. 140 баспананың жөнделу жұмыстары аяқталды. Бүгінгі таңда 1360 жөндеуге қойылған баспананың 1352-і жөнделді, 8 баспанада жөндеу жұмыстары жүргізілуде», - деді Өскенбаев.

Ведомствода хабарлағандай, тұрғын үй коммуналды -шаруашылық қызметін жаңғырту бағдарламасы бойынша 2015 жылға қарсы 24,4 мың км желіні, оның ішінде 1,1 мың жылу желісі, 3 мың км –газ желісі, 20,3 мың км –электр желісін жөндеуден өткізу жоспарланған.

«Мемлекеттік бағдарлама жүзеге асырылған жылдары күрделі жөндеуді қажет еткен үйлердің үлесі 32-ден 28 пайызға төмендеген. 2011-2012 жылдары бағдарламаны іске асыруға республикалық бюджеттен 17 млрд 842 млн теңге бөлінді», - деді ол.

Отырыс қорытындысы бойынша ҚР Үкіметіне, Ұлттық экономика министрлігіне, Қаржы министрлігіне, жергілікті атқарушы органдарға тұрғын үй коммуналды-шаруашылық саласындағы проблемаларды жойып, сапалы жұмыс істеуге бағытталған жұмыстар бойынша ұсыныстар жіберілетін болады.

Камила Амирова

Барлық жаңалықтар