• Басты
  • Атырауда Г. Әбдіхалықова техникалық кәсіби білім беру жүйесін жетілдіру бойынша кеңес өткізді

Атырауда Г. Әбдіхалықова техникалық кәсіби білім беру жүйесін жетілдіру бойынша кеңес өткізді

20 Қазан, 2014 14:49
Бүгін арнайы Қазақстан Республикасы Премьер-Министрінің орынбасары Гүлшара Әбдіхалықова бастаған делегация Атырау облысына жұмыс сапарымен келді.

Сапар аясында Аймақаралық орталықтың базасында техникалық және кәсіби білім беру жүйесін жетілдіру бойынша кеңес өткізілді. Оған мемлекеттік органдардың, ірі мұнай газ және қызмет көрсету компанияларының, «Kazenergy» қауымдастығының басшылары қатысты.

Кеңеске қатысушылар аймақаралық орталықтың инновациялық технологияларды пайдалану және түлектің кәсіби қызметіне дайындығы салаларындағы жетістіктерімен жіті танысты.

Одан ары мұнай газ еңбек нарығының қажеттіліктері және білікті кадрларды дайындаудағы жүйені дамыту мәселелері қаралды. Сонымен қатар, алқа мәжілісі аясында Аймақаралық орталықтың жанынан мемлекеттік органдардың және мунайгаз компанияларының қатысуымен Индустриалды Кеңестің Қамқорлық Кеңесін құру APEC Petrotechnic мәселесі талқыланды.

Жалпы, жұмыс сапарының кестесіне сәйкес аймақтарда басшылық және халықтың қатысуымен техникалық және кәсіби білім беру жүйесін жетілдіру бойынша кездесулер өтті.

Барлық жаңалықтар