Қарағандыда өткен жәрмеңкеге 600 тонна өнім қойылды – әкімдік
Жәрмеңкеде 8 ауданнан 600 тонна ауыл шаруашылық өнімі бар. 53 тонна ет, 250 мың дана жұмыртқа, 17 тонна сүт өнімі, 320 тонна картоп, 100 тонна көкеніс әкелінді. Жәрмеңкеге делдалсыз жеткізілгеннен соң өнім бағасы 10-15 пайызға, ал картоп пен көкеніс бағасы 30 пайызға арзан.
«Осы сынды шаралар аймағымызда өтіп тұрады. Осылайша, біз Елбасының нарықтағы азық-түлік бағасын тұрақтандыру жөніндегі нақты тапсырмасын орындап, тұрғындарға қолжетімді бағамен сатылуда. Әрине, бұл бір күндік қана шаруа емес. Бұл секілді жәрмеңкелер қала тұрғындарының қысқы маусымға сапалы өнім сатып алуға керемет мүмкіндік береді»,- деді аймақ басшысы.
«Әрине, бұл ең алдымен тұрғындар үшін мереке. Сол себепті қала, аудан ұйымдастыруымен түрлі фестивальдер, жәрмеңкелер ұйымдастырылуда. Жоғарыда айтқандай, бастысы, тұрғындар үшін қолжетімді болып отыр,-деді облыс әкімі.
