2013 жылы ҚҰЭП «Атамекен Кеңесі» жастардың бизнесжобалары бойынша 20 сайыс өткізуді жоспарлауда
21 Қыркүйек, 2013 11:38
Ағымдағы жылы Қазақстанда Қазақстанның Ұлттық экономикалық палатасы «Атамекен Кеңесі» «Атамекен Стартап» аясында жастардың бизнесжобалары бойынша 20 конкурс ұйымдастыруды жоспарлап отыр, деп ҚҰЭП «Атамекен Кеңесі» басқармасы төрағасының Бірінші орынбасары Рахым Ошақбаев Жастар бастамасы қорының тұсаукесерінде мәлімдеді.
«Бастаманың басты мақсаты аймақтар жастарының арасында кәсіпкерлікті насихаттау. Өткен жылы біз 7 конкурс өткіздік, ағымдағы жылы моноқалалар мен облыстық орталықтарын қамтуды жөн көрдік. Қорытындылай келе, біз 20 конкурс өткізуді жоспарлап отырмыз. Жоспардың 50 % дайын тұр», - деп нақтылады Р. Ошақбаев.
Жастар саясаты кеңесінің мүшелері мен бизнесті дамыту мүшелері сарапшыларының мәліметінше, ғылым және инновация, Жастар бастамасының қоры - жастар кәсіпкерлігін дамытудың негізгі жолы.
«3 күн ішінде, яғни жүмадан жексенбіге дейін жастардың бизнес-идеяларына байланысты консультация өткіземіз», - деді Р. Ошақбаев.
Белгіленген шарттар бойынша қатысушы ақтық мәреге жетіп, бас жүлде үшін бақ сынаса алады.
