• Басты
  • Алматыда бір маусымда веложарысқа 54 мыңнан астам адам қатысты – әкімдік

Алматыда бір маусымда веложарысқа 54 мыңнан астам адам қатысты – әкімдік

18 Қазан, 2014 14:32
Бүгін Алматыда веложарыс өтті, оған 3 мыңға жуық адам қатысты. Велошеруге кәсіби велошабандоздар, велоқауымдастықтарының өкілдері, велосипед спортын сүйетіндер және велоспортының әуесқойлары, студенттер мен жоғарғы оқу орындарының ұстаздары қатысты.

Алматы қаласының дене шынықтыру және спорт басқарамасының мәліметі бойынша, биылғы маусымда 14 веложарыс өткізіліп, оған 54 мыңнан астам адам қатысты.

Мәре сызығында шаһар басшысы Ахметжан Есімов, велосипед спортының осындай мегаполисте дамытудың маңыздылығын атап өтті.

«Қаламызда веложарыстар жергілікті тұрғындардың велосипед спортына қызығушылығын тудыру мақсатында өткізіледі. Бұл мақсатта велосипед инфрақұрылымдары жан-жақты дамытылуда. Осы ретте, жастардың қызығушылық білдіуі көңілге сенім ұялатады», - деді Ахметжан Есімов.

Шара соңына қарай белсенді қатысушылар мен жеңімпаздарға естелік сыйлықтар тарту етілді. 

Барлық жаңалықтар