• Басты
  • Швейцария Елшілігі Семейдің медорталығына жылжымалы рентген аппаратын тарту етті

Швейцария Елшілігі Семейдің медорталығына жылжымалы рентген аппаратын тарту етті

19 Қазан, 2014 12:04
Швейцария Елшілігінің ҚР-дағы делегациясы Семейдің медорталығына жылжымалы рентген аппаратын тарту етті, деп қалалық әкімдіктен хабарлады.

Семейге жұмыс сапарымен келген ҚР-дағы Швейцарияның Төтенше және Өкілетті Елшісі Мауро Рейна қалалық медицина орталығының балалар бөліміне 2,5 млн теңгенің жылжымалы рентген аппаратын тарту етті.

Мауро Рейна атап өткендей, елшіліктің кішігірім өзінің жылдық бюджеті бар және оның аясында елшілік қайырымдылық жобасын жүзеге асыра алады.

Аталып өткендей, Семей қаласы мен елшілік арасында 15 жыл бойы ынтымақтастық орнатылған. Ал, соңғы 3 жылда қалаға миллион доллардан астам қаражатқа көмек көрсетілді. Тіпті, Семейдің медицина орталығына көмек алғаш көрсетіліп отырған жоқ. 

Медицина орталығынан хабарлағандай, бұл жылжымалы рентген аппараты кез-келген жерде, науқасты қозғалтуға болмаған жағдайда зерттеу жүргізуге мүмкіндік береді. 

Барлық жаңалықтар