Әділет департаментінде Атырау облысының тұрғындары үшін интернет-конференция өтті

Әділет министрлігінен хабарлағандай, конференцияда  жылжымайтын мүлікті тіркеу бағыты бойынша, АХАТ саласы, оның ішінде электронды портал арқылы некеге отыру заңдылықтарына қатысты, жаңа туған баланы құжаттандыру мәселелері, сондай-ақ, заңды тұлғалардың бизнес-сәйкестендіру нөмірлерін алу талаптары бойынша сауалдарға заңды тұрғыда жауаптар берілді.

Сонымен қатар, 2014 жылдың 1 қыркүйектен бастап заңды күшіне енген рақымшылық жасау Заңына орай азаматтардың жариялауға жататын мүліктерін тіркеу, елімізден тыс аймақта орналасқан мүлікті заңдастыруға қажетті құжаттар, және де көлеңкелі қаражатты айналымға шығару заңдылықтары түсіндірілді.