• Басты
  • Ақмола облысында ағымдағы жылдың 9 айында 209,5 млрд теңгенің өндірістік өнімі өндірілді (ФОТО)
18 Қазан, 2014 12:32

Ақмола облысында ағымдағы жылдың 9 айында 209,5 млрд теңгенің өндірістік өнімі өндірілді (ФОТО)

Өндірілген өндірістік өнімнің көлемі 209,5 млрд теңгені құрады, деп хабарлады аймақ басшысы Сергей Кулагиннің төрағалығымен өткен Ақмола облысының әлеуметтік-экономикалық дамуының 9 айлық қорытындысына арналған келелі кеңесте экономика және бюджеттік жоспарлау басқармасының бастығы Бауыржан Малғаждаров.
Ақмола облысында ағымдағы жылдың 9 айында 209,5 млрд теңгенің өндірістік өнімі өндірілді (ФОТО)

Оның айтуынша, металлургия өндірісінде өнім көлемі  33,5 млрд теңгені немесе 2013 жылдың сәйкесінше кезеңімен салыстырғанда 128,1% көрсетті. Жалпы, 7,6 тонна өнделген және өнделмеген алтын өндірілді немесе 2013 жылдың сәйкесінше кезеңімен салыстырғанда 126,4% құрады.

««Жұмыспен қамтудың жол кратасы - 2020» бағдарламасы шеңберінде республикалық бюджет есебінен Бурабай, Целиноград, Шортанды аудандарында 3 дәрігерлік амбулаторияның құрылысы жүргізілуде. «Ақ Булақ» бағдарламасы аясында 31 жобаға 6,9 млрд теңге бөлінді, олардың ішінде 23 жоба құрылыс және қайта құру жобалары болып табылады, ал 8 жоба күрделі жөндеу жұмыстарына бағытталған. Бұдан басқа, 168,6 млн. теңгеге ЖСҚ жасақтау бойынша 18 жоба қарастырылған. Құрылыс жұмыстарының көлемі 55,1 млрд. теңгені көрсетті немесе 2013 жылдың сәйкесінше кезеңімен салыстырғанда 129% құрады. Өндірістік (индустриалды) инфрақұрылымдарды дамыту мақсатында 1,4 млрд теңгенің 6 жобасы мақұлданды. Бүгінде 140 мың шаршы метрдің тұрғын үйі пайдалануға берілді, жыл соңына дейін 1378 адамға жұмысқа орналасуға мүмкіндік беретін 91,6 млрд теңгенің 10 жобасын аяқтау жоспарлануда», - деді  Малғаждаров.

Облыс әкімдігінен хабарлағандай, алқа мәжілісінің қорытындысы бойынша аймақ басшысы жылыту маусымына қатысты барлық жөндеу  жұмыстарын аяқтау қажеттілігі туралы баса айтты.

Сондай-ақ, Сергей Кулагин аудан басшыларына күздік егін жинау науқанын аяқтап, барлық астықтың сақталуын қамтамасыз етуді тапсырды. Бұдан басқа азық түлік өнімдерінің бағасының қалыптасуын зерделеп, бірінші сұрыптағы ұн мен нанның бағасының көтеріліп кетпеуін қадағалау керектігін баса айтты. «Бағаны тек қадағалап қана қоймай, оның еш негізсіз көтерілуіне жол бермеу керек», - деп толықтырды ол. 

Барлық жаңалықтар