• Басты
  • Кәсіби мерекесі қарсаңында құтқарушыларға құрмет көрсетілді(ФОТО)
18 Қазан, 2014 15:03

Кәсіби мерекесі қарсаңында құтқарушыларға құрмет көрсетілді(ФОТО)

Қазақстан Республикасы Ішкі істер министрлігі Төтенше жағдайлар комитетінің қызметкерлері өздерінің кәсіби мерекесі - Құтқарушылар күнін атап өтті, деп хабарлады комитеттің баспасөз қызметі.
Кәсіби мерекесі қарсаңында құтқарушыларға құрмет көрсетілді(ФОТО)

«Іс-шарада ҚР Ішкі істер министрі, генерал-лейтенант Қ.Н. Қасымовтың Құтқарушылар күнімен құттықтау сөзі оқылды, ол құтқарушылар мамандығы – ең басты міндеті адамдар өмірін құтқару болып табылатын жоғары және жауапты миссия екенін атап өтті», - делінген хабарламада.

Сонымен қатар, кәсіби мереке құрметіне төтенше жағдайлардың алдын алу және оларды жою мемлекеттік жүйесін дамыту мен нығайтуға белсене қатысқаны, Қазақстан Республикасындағы тыныс-тіршілік қызметінің қауіпсіздігін қамтамасыз ету ісінде жеткен жетістіктері үшін Комитеттің көзге түскен қызметкерлері «Төтенше жағдайлардың алдын алуда және жоюда үздік шыққаны үшін» медальдарымен, «Төтенше жағдайдағы ерлігі үшін», «Төтенше жағдайлар жүйесін дамытуға қосқан үлесі үшін», III дәрежелі«Құтқарушы», «Үздік құтқарушы - жауынгер» төсбелгілерімен наградталды.

Естеріңізге сала кетейік, Қазақстан Республикасының Президенті – Ұлт Көшбасшысы Н.Ә. Назарбаев 1995 жылғы 19 қазанда төтенше жағдайлар және Азаматтық қорғаныс саласындағы уәкілетті орталық атқарушы органды құру туралы Жарлыққа қол қойды. Бұл ТЖ-ның алдын алу және оларды жоюдың тиімді жүйесін құру ісіндегі шешуші сәт болды. 

Барлық жаңалықтар