С. Кулагин: Халықтың құқықтық сана мен сыбайлас жемқорлыққа деген көзқарасын қалыптастыру керек

18 Қазан, 2014 10:33

Халықтың құқықтық сана мен сыбайлас жемқорлыққа деген көзқарасын қалыптастыру керек, деп ағынан жарылды облыстық Сыбайлыс жемқорлыққа қарсы қоғамдық кеңес пен Партиялық бақылау комиссиясының және «Жас Отан» ЖҚ облыстық филиалының бірлескен отырысында Ақмола облысының әкімі, «Нұр Отан» партиясының облыстық филиалының директоры Сергей Кулагин.

Бірлескен кеңестің күн тәртібінде аймақтық филиалдардың жемқорлыққа қарсы жүргізіп жатқан жоспарлы жұмыстары талқыланды. Сонымен қатар, жергілікті әкімдіктің партиямен бірлесіп атқарып жатқан ілкімді істері де назардан тыс қалмады, делінген облыс әкімдігінің хабарламасында.

Аймақ басшысы Сергей Кулагин, өз сөзінде жемқорлықпен тиімді күресу жолында қоғамның қолдауы ауадай қажет, деп баса айтты.

«Коммуникациясыз, қоғамның көмегісіз біз тек бірлі-жарым жомқорлықпен байланысты әрекеттердің бетін аша аламыз. Осы ретте партияның сыбайлас жемқорлыққа қарсы бағдарламасы азаматтармен тығыз жұмыс істеуге бағытталған. Жалпы, жемқорлықтан құтылудың нақты шешімі жоқ. Сондықтанда келісіп пішкен тон келте болмас. Бірлесіп күрескен жөн. Қысқасы, халықтың құқықтық сана мен сыбайлас жемқорлыққа деген көзқарасын қалыптастыру керек» - деді аймақтың партиялық ұйымның төрағасы С.Кулагин.

Жалпы, кеңес қорытындысы бойынша жемқорлықпен күрес жолында сәйкесінше қаулылар қабылданды.