«Қазақстан-2050» қозғалысына 200 мыңдай азамат мүше - Д.Жұмин

18 Қазан, 2014 10:01

«Қазақстан-2050» жалпыхалықтық қозғалысының құрылғанынан бері 9 ай ішінде ұйымға 200 мыңнан астам адам мүше болды. Қазіргі таңда ұйым әбден жетіліп, қоғамда белсенді жұмыс істеуде, дейді «Қазақстан-2050» жалпыхалықтық қозғалысы жетекшісі Данат Жұмин.

«Біздің Қазақстан-2050 жалпыхалықтық қозғалысы желілік ұйым болып табылады. Біздің ұйымның басты ерекшелігі, бізде бастық-бағынушы ұғымы мүлде жоқ. Сонымен қатар, жалпыхалықтық қозғалысымыз елдегі кез келген қоғамдық маңызы бар саяси және әлеуметтік мәселелерді шешуде бір арнаға топтасып, кейін қайта өз жұмысымызбен айналыса береміз», - деді ол.

Оның айтуынша, келер аптада, 25 қазанда Алматыда жалпыхалықтық қозғалыстың ұйымдастыруымен «Токс-2050» атты Форум өтеді.

«Форумда Қазақстанның болашағы туралы жан-жақты пікірлер айтылады. Жалпы, ғылымда «футуралогия» деген ағым бар. Яғни болашақ туралы ілім. Біздің жалпыхалықтық қозғалыс қазіргі таңда қолданбалы футуралогияны енгізу жолында еңбек етуде. Біз қазір еліміздің болашағы туралы не білеміз? Біздің бала-шағамыз бен сол заманның адамдары қандай болады? Олардың құндылықтары не болады? Халқымыздың саны қанша болады? Еңбек нарығында ең көп сұранысқа ие мамандық пен ел экономикасының қандай бағытта өрбитіні қарастырылады. Аталмыш шарада осы сауалдарға жауап ізделеді», - дейді Д.Жұмин.

Бауыржан Мұқанов

Барлық жаңалықтар