Мысыр Қазақстанға ЕАЭО мен Мысыр арасында Еркін сауда жөнінде Келісімге қол қою мүмкіндіктерін талқылау үшін делегация жібереді
17 Қазан, 2014 17:33
Қазақстан Республикасының Мысыр Араб Республикасындағы Елшісі Берік Арын МАР Индустрия, сауда, орта және кіші бизнес министрі Мунир Фахри Әбдел Нұрмен кездесті, деп хабарлады Сыртқы істер министрі.
Тараптар өзара сұхбат кезінде сауда-экономикалық саладағы екіжақты ынтымақтастықты дамыту жолдары бойынша пікір алмасып, мысырлық делегацияның Еуразиялық экономикалық одақ пен Мысыр арасындағы Еркін сауда келісіміне қол қою бойынша келіссөздер жүргізу үшін қазан айының үшінші онкүндігінде Астанаға жоспарланып отырған сапарына қатысты мәселелерді қарастырды.
«Министр М.Ф.Әбдел Нұр Мысырдың ЕАЭО-ның белді құрылтайшыларының бірі – Қазақстанмен әртүрлі салалардағы ынтымақтастықты, соның ішінде сауда-экономикалық және инвестициялық байланыстарды кеңейтуге ұмтылатынын мәлім етіп, оған аталмыш одақ пен өз елі арасында Еркін сауда аймағын құру жаңа мүмкіндіктер ашар еді деп атап өтті», - делінген хабарламада.
